गाल करण दी फ़ुर्सत कायनी
चैटिंग करेंदे तकड़ी पैन ।
जित्थां डेखो छोटे वडे
मोबाइलां कूं चंबड़ी पैन ।।
कट्ठे बै के चौके दे विच
तत्ता फ़ुलका खवींदा हाई ।
शामी एले रस बोड़ बोड़ के
चा दा प्याला पिवींदा हाई ।।
रोटी दा हुण मूँ सिर कायनी
गँद बलाईं लबड़ी पैन ।
जित्थां डेखो छोटे वडे
मोबाइलां कूं चंबड़ी पैन ।।
हफ्ते खन दे अंदर तां
सकेयां कूं वञ मिलींदा हाई ।
हिक डूझे कूं डेख डिखा के
हाल हवाल वंडींदा हाई ।।
आवण वञण उक्का कायनी
कारां डीं रातीं रगड़ी पैन ।
जित्थां डेखो छोटे वडे
मोबाइलां कूं चंबड़ी पैन ।।
नूंआं धीयां आले घर विच
वड़ो तां पैले खंगींदा हाई ।
घुंड भांवें कढो ना कढो
सिर ते पल्ला करींदा हाई ।।
उत्ते चुन्नी कैकूं आखो
उत्ते चुन्नी कैकूं आखो
तल्ले निकरां लदड़ी पैन ।।
जित्थां डेखो छोटे वडे
मोबाइलां कूं चंबड़ी पैन ।।
10 comments:
Nice poem!! Padk ke majja aa gae!
Bau acchi hae. Pichli galiya yad agen.
Bau acchi hae. Pichli galiya yad agen.
मैट्रो दी अलाउंसमैंट इवे थींदीं हे ।
1. इयो गड्डी मंडी होस तक वैसी ।
2. गड्डी दा अग्गु आला डब्बा तृमितियाँ वास्ते हे।
3. मर्दाना जनाना घुसड़ के ना खड़े थीवेन । फर्क कू समझैण ।
4. कंढ ते लैपटाप ते पिठ्ठू आला थैला ना टंगैण।
5. सवारियाँ भौएँ ते ना बावेन । नाले गाणा ना सुनेण।
6. अगला टेशण पूराणा शाहर फरीदाबाद हे।
7. बुएँ खब्बे पासे खुलसैन। बुएँ नाल चिपक के ना खड़े थिओ ते नाले बुएँ खुल्लन ते बंद थीवन वैच धच्चा ना मारो।
8. तवैकू कोई त्रीझी आँख्ख डेधी पई हे ही वास्ते कोई शरारत ना करो।
9.तृमितियाँ आले डब्बे वैच कोई रन्ना वैच धन्ना ना वंज बावे ना ते चट्टी भरनी पोसी।
10. खावण-पीवण, हुक्का-बीड़ी पीवणा मना हे नाले सवारियाँ भौएँ ते ना थूक्केण।
11. मैट्रो वैच झूटें खावण दा शुक्रियाँ ते भला थिवे।
तवाडा प्यारा अनिल बत्रा ।
Vah ji vah
bhu changi likhi heiya....
😀😀😀😀
टीचर ( बालां कूं ) :- डस्सो..! बिजली कित्थूं आंदी हे ??
स्टूडैंट :- जी, मामे दे घरूं ॥
टीचर :- किवें भला ???
स्टूडैंट :- जडण वी बिजली वैंदी हे ते पापा जी अखेंदे हेन...कट्ट डित्ती"सालेयां" ने ॥
😀😀😀😀
#
प्यू - मेशी हेक Cold Drink दी बोतल घेन आ...!!!
:
मेशी -PEPSI या DEW !!
:
प्यू - Pepsi
:
मेशी- प्लास्टिक दी या कांच अाली बोतल..???
:
प्यू- प्लास्टिक दी !!!
:
मेशी -छोटी या वडी..!!!
:
प्यू - नी चाहिदी मेकू बस,
पानी पिला डे..
:
मेशी - सादा या नमक अाला..?
:
प्यू - सादा ;-(
:
मेशी - ठंडा या गरम..??
:
प्यू -लगा वन इथू वरना मार डेसा ;-> :-@
:
मेशी - चप्पल नाल या डंडे नाल
:
प्यू -जानवर ना होवे तां :-@
:
मेशी -कुत्ता या बांदर
:
प्यू - मेडे सामने तु हट वन :-@
:
मेशी -होले या तेज
:
प्यू - मेडे हथूं मारा वेसें ;->
:
:
मेशी -चाकू नाल या बंदूक नाल
:
प्यू- चाकू नाल :-@
:
मेशी - तड़पा के या Direct मरेसो .!!
:
प्यू -हुण तु लगा वन मेडा B.P. High थीदां पिया ;-( ;-(
:
मेशी -डॉक्टर नु ईथे सडा
या डॉक्टर दे कोल चलूं..!!!
:
प्यू बेहोश
:
मेशी- लगदे लाला बुरा मन िगया
😂😝😂😝😂😝
bahi wah....khush kita
Post a Comment